Rendang

Salamat kay lidwa para sa photo ng rendang, hindi kasi ako nakagawa dahil biglaan po at by request ang beef rendang isa sa mga reader po ng maranaorecipe

Ang beef rendang ay inihahanda ito tuwing may mahalagang okasyon, special ang putahe na ito dahil nga sa beef ang gamit nito atsaka mahirap iang proseso ng paggawa.


BEEF RENDANG


Mga Sangkap

Beef o Baka 1 kilo (para sa 20 katao)
Tiyolo/niyog 1 kilo
Niyog 1 kilo,(kakang gata 1 baso)
Bell peppers (ordinaryong slice) medium 2 pcs
sibuyas (ordinaryong slice) 1 large
sibuyas na mura
bawang 1 kutsara
PALAPA 1/2 cup (kung gusto ng mas maanghan)
KALAWAG 2 kutsara
Patatas (optional) 2 pcs malalaki hiwain sa apat
Dahon ng Laurel 6 na piraso




Paggawa ng tiyolo

1. sangagin ang niyog hangang sa maloto at kulay brown, bantayan at dapat mahina ang apoy dahil madali itong masunog.
2. dikdikin upang maging pino (dikdikin habang mainit) dahil malotong pa ito at madaling dikdikin.
3. itabi


Paraan ng Paggawa



1. Igisa ang karne ng baka sa bawang at sibuyas at ng palapa,ilagay ang tiyolo sa karne, bell peppers, dahon ng laurel. haluin
2. Palambutin ang karne ng baka ng 15 mins. gamit ang pressure cooker para sa mabilis na paglambot ng karne o kung walang pressure cooker mga 40 mins.
3. Kapag lumambot na ang baka Ilagay ang patatas atsaka ilagay ang pangalawang gata (3 baso approx.) kung mahilig sa sabaw pwedeng mas damihan ng tubig. ilagay ang kalawag, asin ayon sa panlasa pero mas mainam na medyo maalat
4 .Kapag malambot na ang patatas ilagay ang kakang gata (unang gata)
5. Pakuluin tapos ilagay ang sibuyas na mura. ihain kasama ang kanin

INALOBAN A TILAPYA

Paborito ito ng aking asawa kaya palagi ito ang niloloto ko, pwede kahit anong isda basta inihaw.

Inaloban a Tilapya


Mga Sangkap


1 kilo tilapia
niyog
Talbos ng kamoteng kahoy
kagoko o bell peppers
1 sibuyas
Asin
KALAWAG
PALAPA

Paraan ng Pagluto


1. Ihawin ang tilapia. itabi
2. sa isang kaserola ilagay ang inihaw na tilapia
3. Ilagay ang mga sangkap 1/2 kutsara ng kalawag, asin, palapa, at kagoko o bell peppers
4. Ilagay ang 2 o 3 baso pangalawang gata, depende kung gusto mo ng masabaw, pakuluin
5. ilagay ang 1 basong kakang gata (unang gata), pakuluin
6. Ilagay ang talbos ng kamoteng kahoy
7. ihain kasama ang kanin

Phesasati-a-odang

Isa ito sa mga handa namin para sa kandori (handaan kahit anong okasyon)


PHESASATI-A-ODANG


Mga Sangkap


1 kilo fresh Odang/ hipon
1 niyog (tiyolo)
palapa
1 sibuyas
1/2 cup bell pepper(kagoko)
4 na itlog

Paraan ng Pagluto:

1. Ihanda ang Tiyolo. sangagin ang niyog hanggang sa maging brown ito at itabi
2. sa ibang lalagyan ilagay ang fresh odang o hipon sa isang mixing bowl
3. ihalo ang tiyolo sa odang kasama ang palapa
4. ilagay ang sibuyas at bell peppers o kagoko
5. Paghaluin ang lahat ng sangkap lagyan ng asin ayon sa panlasa at dikdikin upang mahalo ng husto
6. ihalo ang itlog paisa isa at tansahin ang paglagay ng itlog para hindi maging malapot baka hindi mahulma
7. ihulma ng pabilog o kahit ano na hugis na nais mo.
tips: kung walang hulmahan gumamit ng takip ng garapon yong tama lang ang laki, isuot sa platic para madaling matangal
8. Iprito sa mantika
9. Ihanda habang mainit kasama ang kanin

PHOTOS

TIYATUD





AMIK

KALAWAG

KALAWAG- galing ito sa 'dilaw' na kagaya ng luya. nabibili po ito sa lanao o sa quiapo. pinopolbo nila ang dilaw para maging kalawag ito at ginagamit na pang kulay sa pagkain ng maranao. kadalasan ay dilaw ang kulay ng mga pagkain ng mga maranao.

LUMPIA BANGUS

Mahilig ang maranao sa mga isda, simple putahe ito inihanda ko para hindi namn puro simpleng isda. instead na manok bangus ang ginamit ko dito. para din sa mga batang pihikan kumain ng gulay.

LUMPIA BANGUS




Mga sangkap


Lumpia wrapper
1/2 bangus
2 pcs carrots (cube)
2 pcs patatas (cube)
2 pcs bell peppers (cube)
1 pcs sibuyas
salt and pepper
palapa (optional)


dips

1 tbsp mayonnaise
1 tsp ketchup
salt and pepper



Mga paraan ng Pagluto



1. Tanggalin ang laman ng bangus sa balat nito kagaya ng paggawa ng relleno
2. Pakuluan ang laman ng bangus, pag naluto na tanggalin ang mga tinik, himayin
3. igisa sa sibuyas ang hinimay na bangus ilagay ang palapa, asin, at mga gulay. set aside.
4. balutin ito pag malamig na pinaghalong sangkap sa lumpia wrapper
5. iprito at ihain.
6. dips: paghaluin lang ang mga sangkap.

GINATAANG MANOK/ CHICKEN SOUP

Bago ako gumawa ng paiparan a manok, gumawa ako ng sabaw ng manok. kahit ano gulay na gusto mo puede, ang ginamit ko dito ay sayote. puede rin ang patatas.


GINATAANG MANOK/ CHICKEN SOUP



mga sangkap:


1 kilo manok
1 pcs sayote,hiwain
1/2 repolyo, hiwain
1 baso gata ng niyog (unang gata)
1 liter gata ng niyog (pangalawa gata)
2 kutsara palapa
1 kutsara KALAWAG
1 sibuyas,hiwain
1/2 kutsarita bawang
2 Stalk ng sibuyas na mura
2 red bell peppers
asin ayon sa panlasa



Paraan ng Pagluto:


1. Igisa ang sibuyas, bawang, palapa, bell peppers
2. ilagay ang manok, kalawag, asin
3. ilagay ang pangalawang gata ng niyog, pag malambot na ang manok itabi ito at gagamitin sa PIAPARAN.
4. natirang sabaw ng manok, ilagay ang sayote
5. pag malambot na ang sayote ilagay ang unang gata ng niyog
6. ilagay ang repolyo at dahon ng sibuyas pag kumulo na ihain.


tips:
para hindi magbuo buo ang gata ng niyog kapag kumukulo haluin lang wag takipan.